టీటీడీ శిల్పకళా సంస్థలో ఉచిత కోర్సులు

టీటీడీ ఉచిత శిల్పకళ శిక్షణ కోర్సులు – 2025–26

శ్రీ వేంకటేశ్వర సంప్రదాయ శిల్పకళ శిక్షణ సంస్థ (SVTSS), తిరుపతి – తిరుమల తిరుపతి దేవస్థానముల ఆధ్వర్యంలో, ప్రాచీన ఆలయ శిల్పకళ పరిరక్షణ కోసం ఉచిత శిక్షణను అందిస్తోంది.

ప్రత్యేకతలు:

సంప్రదాయ ఆలయ నిర్మాణ శిల్ప కళను భావితరాలకు అందించాలనే లక్ష్యంతో శిక్షణ
పదో తరగతి ఉత్తీర్ణత కలిగిన యువతకు అవకాశం
పూర్తిగా ఉచితంగా శిక్షణ, వసతి, భోజన సదుపాయాలు
కోర్సు పూర్తయ్యాక విద్యార్థి పేరిట రూ.1 లక్ష ఆర్థిక ప్రోత్సాహం
ప్రభుత్వ నిబంధనల ప్రకారం ప్రవేశ పరీక్ష ద్వారా ఎంపిక
దరఖాస్తులకు చివరి తేది: జూన్ 20, 2025

అందుబాటులో ఉన్న కోర్సులు:

1. డిప్లొమా ఇన్ ట్రెడిషనల్ స్కల్ప్చర్ (4 సంవత్సరాలు)

AICTE & రాష్ట్ర సాంకేతిక విద్యాశాఖ గుర్తింపు
6 విభాగాలు:

ఆలయ నిర్మాణం
శిలా శిల్పం
సుధా (గచ్చు) శిల్పం
లోహ శిల్పం
కొయ్య శిల్పం

సంప్రదాయ వర్ణచిత్రలేఖనం

ప్రతి విభాగానికి 10 మంది విద్యార్థులకు ప్రవేశం (మొత్తం 60 మంది)

2. కలంకారి సర్టిఫికెట్ కోర్సు (2 సంవత్సరాలు)

వస్త్రాలపై సంప్రదాయ చిత్రలేఖనం
ప్రతి సంవత్సరం 10 మంది విద్యార్థులకు ప్రవేశం

శిక్షణలో ప్రత్యేకతలు:

విద్యార్థులందరికీ ఉచిత వసతి మరియు భోజనం
డిప్లొమా చివరి సంవత్సరం విద్యార్థులకు దక్షిణ భారత ప్రఖ్యాత ఆలయాలకు విజ్ఞాన యాత్ర
కోర్సు పూర్తయినవారికి ఉద్యోగ, స్వయం ఉపాధి అవకాశాలు
కలంకారి కళకు దేశవిదేశాల్లో ప్రాచుర్యం
డిప్లొమా పూర్తయిన విద్యార్థి పేరిట జాతీయ బ్యాంకులో ₹1 లక్ష డిపాజిట్, కోర్సు పూర్తయ్యాక వడ్డీతో సహా ఇవ్వబడుతుంది