తెలంగాణలో వర్షాలు తగ్గుముఖం పట్టలేదు. బంగాళాఖాతంలో ఏర్పడిన ఉపరితల ఆవర్తనం బలపడుతూ రేపటికి అల్పపీడనంగా మారనుండటంతో వచ్చే వారం రాష్ట్రంలో మళ్లీ కుండపోత వర్షాలు కురిసే అవకాశం ఉందని హైదరాబాద్ వాతావరణ కేంద్రం స్పష్టం చేసింది. రాబోయే మూడు రోజులలో భద్రాద్రి కొత్తగూడెం, ఖమ్మం, సూర్యాపేట, మహబూబాబాద్ వంటి పలు జిల్లాలకు ఉరుములు, మెరుపులతో పాటు గంటకు 30-40 కిమీ వేగంతో ఈదురుగాలులు హెచ్చరికగా జారీ అయ్యాయి. వాతావరణ శాఖ గడిచిన 24 గంటల్లో రాష్ట్రంలోని కొన్ని ప్రాంతాల్లో భారీ వర్షాలు నమోదు అయ్యాయని, భద్రాద్రి కొత్తగూడెం, మల్కలపల్లి, నల్లగొండ జిల్లాల్లో అత్యధిక వర్షపాతం నమోదైందని తెలిపింది.