బాంబే హైకోర్టు తీర్పు: బీసీసీఐ కొచ్చి టస్కర్స్కు ₹538 కోట్లు చెల్లించాలి
బీసీసీఐకి బాంబే హైకోర్టు గట్టి ఎదురుదెబ్బ తగిలింది. రద్దు చేసిన ఐపీఎల్ జట్టు కొచ్చి టస్కర్స్ కేరళకు రూ.538 కోట్లు చెల్లించాలంటూ హైకోర్టు ఆదేశించింది. మధ్యవర్తిత్వంలో వెలువడిన తీర్పును సమర్థిస్తూ, బీసీసీఐ వేసిన అప్పీల్ను కోర్టు తిరస్కరించింది.
ఏం జరిగింది?
2011లో కొచ్చి టస్కర్స్ కేరళ ఫ్రాంచైజీ ఐపీఎల్లో ఒకే ఒక్క సీజన్ ఆడింది. అయితే, ఒప్పందం ప్రకారం బ్యాంక్ గ్యారెంటీ సమర్పించలేదని ఆరోపిస్తూ, బీసీసీఐ వారిని రద్దు చేసింది. దీని నేపథ్యంలో ఫ్రాంచైజీ యాజమాన్యం మధ్యవర్తిత్వాన్ని ఆశ్రయించింది.
2015లో జస్టిస్ ఆర్.సీ. లహోటి నేతృత్వంలోని కమిటీ, బీసీసీఐ తప్పు చేశిందని తేల్చింది. కొచ్చి క్రికెట్ ప్రైవేట్ లిమిటెడ్కు రూ.384 కోట్లు, రెండెన్జ్వౌస్ స్పోర్ట్స్కు రూ.153 కోట్లు — మొత్తం రూ.550 కోట్లు చెల్లించాలంటూ ఆదేశించింది. అయితే ఈ తీర్పును బీసీసీఐ బాంబే హైకోర్టులో సవాలు చేసింది.
హైకోర్టు తుది తీర్పు
తాజాగా బాంబే హైకోర్టు, అర్బిట్రేషన్ చట్టంలోని సెక్షన్ 34 ప్రకారం తాము ఈ కేసులో జోక్యం చేసుకునే పరిధి చాలా పరిమితమని స్పష్టం చేసింది. బీసీసీఐ పెట్టిన అప్పీల్ న్యాయపరంగా సరైనదేమీ కాదని పేర్కొంటూ, మధ్యవర్తిత్వ తీర్పును అమలు చేయాలని తీర్పు ఇచ్చింది. ఫలితంగా, బీసీసీఐ రూ.538 కోట్లు చెల్లించాల్సి వస్తుంది.
కొచ్చి టస్కర్స్ ఐపీఎల్ ప్రయాణం
- ఐపీఎల్లో ఒకే ఒక్క సీజన్ (2011) ఆడింది
- ఆ సీజన్లో 14 మ్యాచ్లలో 6 గెలవగా, జట్టు 8వ స్థానంలో నిలిచింది
- ప్రముఖ ఆటగాళ్లు: బ్రాడ్ హాడ్జ్, జయవర్ధనే, మెక్కల్లమ్, జడేజా
- ఫ్రాంచైజీ విలువ సుమారు ₹1,550 కోట్లు
ఈ తీర్పుతో కొచ్చి టస్కర్స్ యాజమాన్యానికి న్యాయం లభించిందనే చెప్పాలి. దీని ద్వారా బీసీసీఐకు కూడా ఒక తీవ్రమైన సందేశం వెళ్లినట్లయింది.
