హరి హర వీరమల్లు పార్ట్-2పై పవన్ కల్యాణ్ కీలక వ్యాఖ్యలు

ఆంధ్రప్రదేశ్ ఉప ముఖ్యమంత్రి మరియు ప్రముఖ నటుడు పవన్ కల్యాణ్, హరి హర వీరమల్లు పార్ట్-2 గురించి మంగళగిరిలో విలేఖరులతో నిన్న జరిగిన సమావేశంలో కీలక సమాచారం పంచుకున్నారు. ఈ నెల 24న 'హరి హర వీరమల్లు పార్ట్-1 – స్వోర్డ్ vs స్పిరిట్' విడుదలకు సిద్ధమవుతున్న నేపథ్యంలో ఇది ప్రాధాన్యం సంతరించుకుంది.

పార్ట్-2 షూటింగ్ ఇప్పటికే 20 – 30 శాతం పూర్తైందని పవన్ తెలిపారు. ఈ సినిమా రెండవ భాగాన్ని తనకు అందుబాటులో ఉండే బడ్జెట్, సమయం ఆధారంగా పూర్తిచేస్తానన్నారు. దీనికోసం భగవంతుని ఆశీస్సులు కావాలన్నారు.

కథ విషయానికొస్తే, ఇది పూర్తిగా ఫిక్షనల్ స్టోరీ అని, సర్వాయి పాపన్న కథతో ఎలాంటి సంబంధం లేదని పవన్ స్పష్టం చేశారు. ఈ చిత్రంలో ఒక వీరుడు విదేశాలకు తరలించిన కోహినూర్ వజ్రాన్ని తిరిగి తీసుకురావడానికి చేసే యత్నం కథగా ఉంటుందని వివరించారు.