యంగ్ టైగర్ ఎన్టీఆర్, బాలీవుడ్ హీరో హృతిక్ రోషన్ ప్రధాన పాత్రల్లో నటిస్తున్న వార్ 2 ట్రైలర్ను మేకర్స్ తాజాగా విడుదల చేశారు. ఆదిత్య చోప్రా నిర్మిస్తున్న ఈ చిత్రాన్ని యశ్ రాజ్ ఫిలిమ్స్ సంస్థ తెరకెక్కిస్తుండగా, అయాన్ ముఖర్జీ దర్శకత్వం వహిస్తున్నారు. ఇది YRF స్పై యూనివర్స్లోకి వస్తున్న మరో భారీ చిత్రం. సినిమా ఆగస్టు 14న ప్రపంచవ్యాప్తంగా విడుదల కానుంది.
విడుదలైన ట్రైలర్ పూర్తి స్థాయి యాక్షన్ ప్యాక్డ్గా ఉంది. ఇద్దరు హీరోల డైలాగ్స్, స్టంట్స్, స్క్రీన్ ప్రెజెన్స్ ప్రేక్షకులను ఆకట్టుకున్నాయి. ఇందులో ఎన్టీఆర్ చెప్పిన డైలాగ్ ప్రత్యేక ఆకర్షణగా నిలిచింది –
"ఎవరూ చేయలేని పనిని నేను చేసి చూపిస్తాను… ఎవరూ పోరాడలేని యుద్ధాన్ని నేను పోరాడుతాను."
ఈ సినిమాలో హృతిక్ రోషన్ మళ్లీ కబీర్ పాత్రలో కనిపించబోతుండగా, తారక్ విలన్ పాత్రలో బాలీవుడ్లోకి అడుగుపెడుతున్నారు. కియారా అద్వానీ కూడా కీలక పాత్రలో నటిస్తున్నారు. యాక్షన్, థ్రిల్, భారీ నిర్మాణ విలువలతో ‘వార్ 2’ ప్రేక్షకులను అలరించడానికి సిద్ధంగా ఉంది.
