నా కుటుంబానికి నీ ప్రేమే బలంగా ఉంది – నారా భువనేశ్వరి పుట్టినరోజు సందర్భంగా చంద్రబాబు విషెస్
నేడు ఆంధ్రప్రదేశ్ సీఎం చంద్రబాబు నాయుడు సతీమణి నారా భువనేశ్వరి పుట్టినరోజు. ఈ సందర్భంగా చంద్రబాబు 'ఎక్స్' (ట్విట్టర్) వేదికగా ఓ ప్రత్యేకమైన పోస్టు చేశారు. తన వ్యక్తిగత జీవితంలోనూ, కుటుంబ ప్రయాణంలోనూ భువనేశ్వరి చూపిన ప్రేమ, బలం గురించి హృదయపూర్వకంగా చెప్పారు.
"పుట్టినరోజు శుభాకాంక్షలు భువనేశ్వరి! నీ ప్రేమ, బలం మన కుటుంబానికి పునాది వంటివి. జీవితం లోని ప్రతి ఒడిదుడుకులోనూ నా పక్కనే నిలిచావు. నిన్ను నా జీవిత భాగస్వామిగా పొందినందుకు నేను నిజంగా కృతజ్ఞుడిని," అని చంద్రబాబు తన పోస్ట్లో పేర్కొన్నారు. ఈ సందేశం సోషల్ మీడియాలో అభిమానులను ఆకట్టుకుంటోంది.
భువనేశ్వరిలోని దయగుణం, నాయకత్వ లక్షణాలు, సేవా కార్యక్రమాల్లో ఆమె పాల్గొనడాన్ని సీఎం ప్రశంసించారు. వ్యాపార రంగంలో ఆమె ప్రదర్శిస్తున్న నైపుణ్యం మరియు ప్రజల పట్ల చూపే మమకారం అందరికీ స్ఫూర్తిగా నిలుస్తాయని చంద్రబాబు అభిప్రాయపడ్డారు.
