తెలంగాణలో కురుస్తున్న భారీ వర్షాలతో కృష్ణానదిలో వరద ప్రవాహం పెరిగింది. ఈ వరద నీరు శ్రీశైలం, నాగార్జునసాగర్ జలాశయాలకు భారీగా చేరుతోంది. నాగార్జునసాగర్ డ్యామ్ నిండుకుండలా మారడంతో మొత్తం 26 గేట్లలో 24 గేట్లు ఎత్తి నీటిని దిగువకు విడుదల చేస్తున్నారు.

ప్రస్తుతం సాగర్‌కు ఇన్‌ఫ్లో 1,74,533 క్యూసెక్కులు, ఔట్‌ఫ్లో 2,33,041 క్యూసెక్కులుగా ఉంది. డ్యామ్ పూర్తి స్థాయి నీటిమట్టం 590 అడుగులు కాగా, ప్రస్తుత నీటిమట్టం 589.30 అడుగులుగా ఉంది.

సాగర్ పూర్తి నిల్వ సామర్థ్యం 312.04 టీఎంసీలు, ప్రస్తుతం 309.95 టీఎంసీలు నీరు ఉంది. కృష్ణానదీ దిగువప్రాంత ప్రజలు జాగ్రత్తగా ఉండాలని అధికారులు సూచిస్తున్నారు, ఎందుకంటే ప్రవాహం ఇంకా ఎక్కువగానే కొనసాగనుంది.