బంగారంలో పెట్టుబడి: దశాబ్దాలుగా సురక్షితమైన ఆప్షన్
బంగారం ఎంతోకాలంగా సురక్షితమైన పెట్టుబడిగా భావించబడుతుంది. భారతదేశంలో బంగారం కేవలం ఆర్థిక పెట్టుబడిగా మాత్రమే కాకుండా, సాంస్కృతిక, సామాజిక విలువలతో కూడా సంబంధితంగా ఉంటుంది. గత కొన్ని సంవత్సరాల్లో బంగారం ధరలు గణనీయమైన మార్పులు చూపినప్పటికీ, ప్రస్తుతం అంతర్జాతీయ మరియు దేశీయ మార్కెట్లలో బంగారం ధరలు రికార్డు స్థాయిలను చేరుకున్నాయి. ఇంతకీ రాబోయే పదేళ్లలో బంగారం ధరలు ఎలా ఉండవచ్చు? ప్రస్తుతం బంగారం కొనుగోలు చేసినవారు లేదా పెట్టుబడిని పెంచుకున్న వారు ఏ స్థితిలో ఉన్నారు? నిపుణులు ఏం అంచనా వేస్తున్నారు? బంగారం ధరల భవిష్యత్తును ప్రభావితం చేసే అంశాలు మరియు నిపుణుల అభిప్రాయాలను పరిశీలిద్దాం.

రానున్న దశాబ్దంలో బంగారం ధరలు ఆర్థిక అనిశ్చితి, భౌగోళిక రాజకీయ ఉద్రిక్తతలు, సెంట్రల్ బ్యాంకుల కొనుగోళ్ల వంటివి ఆధారంగా పెరగవచ్చని అంచనా వేస్తున్నారు. దీర్ఘకాలికంగా బంగారం ధరలు 10 గ్రాములకు ₹1 లక్ష వరకు చేరుకోవచ్చు. అయితే సరఫరా పెరిగితే ధరలు తగ్గవచ్చు. భారతీయ పెట్టుబడిదారులు బంగారంలో పెట్టుబడి పెట్టే ముందు మార్కెట్ ట్రెండ్‌లను గమనించి, ఆర్థిక నిపుణుల సలహా తీసుకోవడం మంచిది. ఇక్కడ కొన్ని నిపుణుల సలహాలు మరియు సూచనలు చూద్దాం.

బంగారం ధరలపై ప్రభావం చూపించే అంశాలు
బంగారం ధరలు అనేక ఆర్థిక, రాజకీయ మరియు సామాజిక అంశాలపై ఆధారపడి ఉంటాయి. నిపుణుల అంచనాల ప్రకారం, తదుపరి దశాబ్దంలో ఈ క్రింది అంశాలు బంగారం ధరలను నిర్ణయిస్తాయి:

• ఆర్థిక అనిశ్చితి మరియు ద్రవ్యోల్బణం: ఆర్థిక మాంద్యం, ద్రవ్యోల్బణం మరియు వడ్డీ రేట్ల మార్పులు బంగారం డిమాండ్‌ను పెంచుతాయి. జేపీ మోర్గాన్ నిపుణులు 2026 నాటికి బంగారం ధర ఔన్సుకు $4,000 (₹2,97,000) దాటవచ్చని అంచనా వేస్తున్నారు.

• భౌగోళిక రాజకీయ ఉద్రిక్తతలు: యూఎస్-చైనా వాణిజ్య వివాదాలు మరియు అంతర్జాతీయ సంఘర్షణలు బంగారాన్ని సురక్షిత ఆస్తిగా మరింత ఆకర్షణీయంగా చేస్తాయి. ఇవి కొనసాగితే, బంగారం ధరలు పెరగవచ్చు.

• సెంట్రల్ బ్యాంకుల కొనుగోళ్లు: చైనా వంటి సెంట్రల్ బ్యాంకులు గత మూడు సంవత్సరాల్లో ఏటా 1,000 టన్నుల బంగారం కొనుగోలు చేస్తున్నాయి. ఈ ధోరణి కొనసాగితే, దీర్ఘకాలికంగా బంగారం ధరలు పెరగవచ్చు.

• డాలర్ విలువ తగ్గుదల: డాలర్ విలువలో తగ్గుదల బంగారం ధరలను పెంచుతుంది, ఎందుకంటే బంగారం ధరలు సాధారణంగా డాలర్‌తో వ్యతిరేక సంబంధం కలిగి ఉంటాయి.

• సరఫరా మరియు డిమాండ్ డైనమిక్స్: సరఫరా పరిమితంగా ఉండటం మరియు భారతదేశం, చైనా వంటి దేశాల్లో డిమాండ్ పెరగడం ధరలను పెంచవచ్చు. అయితే, సరఫరా పెరిగితే ధరలు తగ్గవచ్చని కొంతమంది నిపుణులు సూచిస్తున్నారు.

నిపుణుల అంచనాలు

• ఉదయ్ కోటక్ (కోటక్ మహీంద్రా బ్యాంక్ వ్యవస్థాపకుడు): భారతీయ గృహిణుల బంగారంపై చూపే నమ్మకాన్ని ప్రశంసించారు.

• రాబర్ట్ కియోసాకి (రిచ్ డాడ్ పూర్ డాడ్ రచయిత): 2035 నాటికి బంగారం ధర ఔన్సుకు $30,000 (₹25,61,917) దాటుతుందని అంచనా వేస్తున్నారు.

స్వల్పకాలిక అంచనాలు:
గోల్డ్‌మన్ సాచ్స్ ప్రకారం, 2025 చివరి నాటికి బంగారం ధర ఔన్సుకు $3,300 (₹2,46,900)కి చేరుకుంటుందని అంచనా వేస్తున్నారు.

దీర్ఘకాలిక అంచనాలు:
కొంతమంది నిపుణులు 5-10 సంవత్సరాల్లో బంగారం ధరలు ₹1 లక్ష per 10 grams చేరవచ్చని అంచనా వేస్తున్నారు.

భారతదేశంలో బంగారం ధరల హెచ్చుతగ్గులు
2025 ఏప్రిల్ 24 న, 22 కారెట్ బంగారం ధర ₹90,150 (10 గ్రాములకు) రికార్డు స్థాయికి చేరుకుంది, ఇది కొన్ని రోజుల్లో తగ్గినప్పటికీ, ఉన్నతమైన ధరగా కొనసాగుతుంది.