ఫోటోలు, వీడియోల డౌన్లోడ్ క్వాలిటీని ఎంపిక చేసుకునే అవకాశం
ప్రపంచవ్యాప్తంగా మూడు బిలియన్లకు పైగా యూజర్లు ఉన్న వాట్సాప్ ఇప్పుడు కొత్త ఫీచర్ తీసుకొస్తోంది. దీనివల్ల ఫోటోలు, వీడియోలు ఆటోమేటిక్గా డౌన్లోడ్ అయ్యే సమయంలో వాటి క్వాలిటీని యూజర్లు తమకు అనుగుణంగా ఎంచుకోవచ్చు. ఇది ప్రస్తుతం ఆండ్రాయిడ్ బీటా వెర్షన్ 2.25.18.11 లో అందుబాటులో ఉంది.
ఈ ఫీచర్ ద్వారా స్టాండర్డ్ లేదా హెచ్డీ క్వాలిటీని ఎంపిక చేసుకోవచ్చు. స్టాండర్డ్ క్వాలిటీ ఎంచుకుంటే డేటా మరియు ఫోన్ స్టోరేజ్ను ఆదా చేసుకోవచ్చు. హెచ్డీ ఎంపికైతే ఫోటోలు, వీడియోలు ఎక్కువ స్పష్టతతో ఉండే అవకాశం ఉంటుంది కానీ ఎక్కువ డేటా మరియు స్టోరేజ్ అవసరం అవుతుంది. ఇది సెట్టింగ్స్ > స్టోరేజ్ అండ్ డేటా విభాగంలోకి వెళ్లి సెట్ చేసుకోవాలి.
ఈ ఫీచర్ను వాట్సాప్ డ్యూయల్ అప్లోడ్ ఫీచర్ ఆధారంగా అభివృద్ధి చేసింది. ప్రస్తుతానికి ఇది కొంతమంది బీటా యూజర్లకు మాత్రమే అందుబాటులో ఉంది. రాబోయే రోజుల్లో ఇది అన్ని యూజర్లకూ లభించనుంది. ఇదే విధంగా, మెటా సంస్థ గత ఏప్రిల్లో ఐఓఎస్ వెర్షన్ కోసం కూడా ఇదే ఫీచర్ను టెస్ట్ చేసింది.
