నదుల జలాలు, ప్రాజెక్టులపై కేసీఆర్కు డిబేట్కు సిద్ధమన్న సీఎం రేవంత్ రెడ్డి
హైదరాబాద్, జూలై 9:
తెలంగాణ ముఖ్యమంత్రి రేవంత్ రెడ్డి, మాజీ సీఎం కల్వకుంట్ల చంద్రశేఖర్ రావు (కేసీఆర్) ను నదుల జలాల పంపకం మరియు నీటి ప్రాజెక్టులపై ఓపెన్ డిబేట్కు సవాల్ విసిరారు. గత BRS ప్రభుత్వంలో రాష్ట్ర ప్రయోజనాలను తాకట్టు పెట్టారని ఆరోపించారు.
కృష్ణా నది జలాలపై మంత్రి ఉత్తమ్ కుమార్ రెడ్డి پاవర్ పాయింట్ ప్రజెంటేషన్ ఇచ్చిన కార్యక్రమంలో రేవంత్ మాట్లాడుతూ –
“కేసీఆర్ అసెంబ్లీలోకి రావడానికి ఇబ్బంది ఉంటే, ఆయన ఎర్రవల్లి ఫామ్ హౌస్కు వచ్చి చర్చ చేద్దాం. డేట్, టైమ్ కేసీఆర్ ఫిక్స్ చేయండి – నేను సిద్ధంగా ఉన్నాను,” అన్నారు.
KTR ప్రెస్ క్లబ్లో డిబేట్కు వచ్చిన విషయంపై స్పందించిన సీఎం, “నాకు క్లబ్బులు, పబ్బుల చర్చలు ఇష్టం లేదు. అసెంబ్లీ ముందు మాట్లాడతా,” అన్నారు.
వైఎస్ జగన్ తో కేసీఆర్ స్నేహం వల్ల తెలంగాణ జలహక్కులు నష్టం చెందినట్లు రేవంత్ ఆరోపించారు. కేసీఆర్ జురాలా నుంచి పాలమూరు, రంగారెడ్డి ప్రాంతాలకు నీరు ఇచ్చి ఉంటే, ఆంధ్రప్రదేశ్కు రాయలసీమకు నీరు మళ్లించే అవకాశం దొరకేది కాదు అన్నారు.
“కేసీఆర్ పదేళ్ల పాలనలో ఒక్క నీటి ప్రాజెక్టు కూడా పూర్తిచేయలేదు,” అంటూ, తెలంగాణకు తీవ్ర నష్టం జరిగిందని అన్నారు.
ఉత్తమ్ కుమార్ రెడ్డి మాట్లాడుతూ, కాంగ్రెస్ ప్రభుత్వం తెలంగాణ జలహక్కుల కోసం న్యాయపరంగా, సాంకేతికంగా, పరిపాలనాపరంగా పోరాడుతుందని తెలిపారు.
కలేశ్వరం ప్రాజెక్ట్ లో డిజైన్ మార్చడం, తుమ్మిడిహట్టి బదులు మేడిగడ్డను ఎంపిక చేయడం, వలన భారీ నష్టం జరిగిందని చెప్పారు. NDSA మార్గదర్శకాల మేరకు బ్యారేజీలు పునర్నిర్మాణం చేస్తామని స్పష్టం చేశారు.
