IDBI బ్యాంక్ జూనియర్ అసిస్టెంట్ మేనేజర్ నోటిఫికేషన్ 2025: డిగ్రీ అర్హతతో ఉద్యోగాలు – మే 8 నుంచి ఆన్‌లైన్ దరఖాస్తులు

IDBI బ్యాంక్ దేశవ్యాప్తంగా తన బ్రాంచ్‌లలో జూనియర్ అసిస్టెంట్ మేనేజర్ (JAM) పోస్టుల భర్తీకి డిగ్రీ అర్హత ఉన్న అభ్యర్ధుల నుంచి దరఖాస్తులను ఆహ్వానించింది. ఈ పోస్టులకు డిగ్రీ కలిగిన అభ్యర్ధులు మాత్రమే అర్హులై ఉంటారు. ఆసక్తి ఉన్న అభ్యర్ధులు మే 8వ తేదీ నుంచి ఆన్‌లైన్ ద్వారా దరఖాస్తు చేసుకోవచ్చు.

అర్హతా ప్రమాణాలు మరియు దరఖాస్తు విధానం

ఈ నోటిఫికేషన్ ద్వారా మొత్తం 676 జూనియర్ అసిస్టెంట్ మేనేజర్ (గ్రేడ్ O) పోస్టులను భర్తీ చేయనున్నారు. ఈ పోస్టులకు దరఖాస్తు చేసే అభ్యర్ధులు సంబంధిత విభాగంలో డిగ్రీ 60% మార్కులతో ఉత్తీర్ణులై ఉండాలి. SC, ST, PwBD అభ్యర్ధులకు 55% మార్కులతో కూడా దరఖాస్తు చేసుకోవచ్చు. అభ్యర్ధులకు కంప్యూటర్ నైపుణ్యం కూడా అవసరం. అభ్యర్ధుల వయోపరిమితి 2025 మే 1 నాటికి 20 నుండి 25 సంవత్సరాల మధ్య ఉండాలి. అంటే, అభ్యర్ధులు 2000 మే 2 నుంచి 2005 మే 1 మధ్య జన్మించిన వారు మాత్రమే అర్హులవుతారు. రిజర్వ్ కేటగిరీల అభ్యర్ధులకు వయోపరిమితిలో సడలింపు ఉంది.

ముఖ్య తేదీలు మరియు పరీక్ష వివరాలు

ఆసక్తి గల అభ్యర్ధులు మే 20, 2025 లోపు ఆన్‌లైన్ ద్వారా దరఖాస్తు చేసుకోవచ్చు. దరఖాస్తు ఫీజు జనరల్, OBC, EWS అభ్యర్ధులు కోసం ₹1050 మరియు SC, ST, PwBD అభ్యర్ధులకు ₹250 ఉంటుంది. ఎంపిక ప్రక్రియలో రాతపరీక్ష, ఇంటర్వ్యూ, మెడికల్ పరీక్ష ఆధారంగా తుది ఎంపిక జరుగుతుంది.

రాతపరీక్షలో 200 మల్టీపుల్ ఛాయిస్ ప్రశ్నలు ఉంటాయి. మొత్తం 200 మార్కులుకి 4 విభాగాల్లో ప్రశ్నలు ఉంటాయి:

• రీజనింగ్: 60 ప్రశ్నలు 60 మార్కులకి

• ఇంగ్లిష్ భాష: 40 ప్రశ్నలు 40 మార్కులకి

• క్వాంటిటేటివ్ ఆప్టిట్యూడ్: 40 ప్రశ్నలు 40 మార్కులకి

• జనరల్ అవేర్‌నెస్: 60 ప్రశ్నలు 60 మార్కులకి

ఈ పరీక్ష 120 నిమిషాలు కొనసాగుతుంది మరియు తప్పు సమాధానాలపై 0.25 నెగెటివ్ మార్కింగ్ ఉంటుంది.