- డిసెంబర్ 31 వరకు బిలేటెడ్, రివైజ్డ్ రిటర్న్ దాఖలుకు అవకాశం
- చివరి అస్త్రంగా ఐటీఆర్-యూ.. కానీ అత్యంత ఖరీదైనది
- పొరపాటు చేస్తే 70% వరకు అదనపు పన్ను చెల్లించాల్సి రావచ్చు
- ఐటీఆర్-యూను చివరి అవకాశంగానే చూడాలంటున్న నిపుణులు
- ఆలస్యమైనా రిటర్న్ వేయడమే మేలని పన్ను నిపుణుల సూచన
ఆదాయ పన్ను రిటర్న్ (ఐటీఆర్) గడువును మిస్ అయ్యారా? లేదా ఇప్పటికే దాఖలు చేసిన రిటర్న్లో పొరపాట్లు జరిగాయా? ఆందోళన అవసరం లేదు. మీకు ఇంకా మూడు మార్గాలు అందుబాటులో ఉన్నాయి. అయితే, వాటిలో ఒక మార్గం అత్యంత ఖరీదైనదని పన్ను నిపుణుడు సుజిత్ బంగర్ (టాక్స్బడ్డీ.కామ్) హెచ్చరిస్తున్నారు.
అందుబాటులో ఉన్న మూడు మార్గాలు:
- బిలేటెడ్ రిటర్న్ – డిసెంబర్ 31 వరకు ఫైల్ చేయవచ్చు. ఆలస్య రుసుము రూ. 1,000–5,000 వరకూ చెల్లించాలి.
- రివైజ్డ్ రిటర్న్ – ఇప్పటికే ఫైల్ చేసిన రిటర్న్లో పొరపాట్లు సరిదిద్దుకోవచ్చు. గడువు: డిసెంబర్ 31.
- అప్డేటెడ్ రిటర్న్ (ఐటీఆర్-యూ) – అత్యంత ఖరీదైన ఆప్షన్. గతంలో చూపని ఆదాయం ఉంటే లేదా గడువు మిస్ అయితే ఫైల్ చేయవచ్చు. కానీ అసలు పన్నుపై 25% నుంచి 70% వరకూ అదనపు పన్ను విధిస్తారు.
కాబట్టి నిపుణులు చెప్పే సూచన ఏమిటంటే – ఆలస్యమైనా బిలేటెడ్ లేదా రివైజ్డ్ రిటర్న్ వేయడం మేలు. ఐటీఆర్-యూను మాత్రం చివరి అస్త్రంగా మాత్రమే ఉపయోగించాలి.
