సమ్మక్క-సారక్క గిరిజన విశ్వవిద్యాలయానికి సంబంధించిన లోగోను కేంద్ర మంత్రులు ఆవిష్కరించారు. కేంద్ర మంత్రి జి. కిషన్ రెడ్డి విశ్వవిద్యాలయం ఏర్పాటు సంతోషదాయకం అని పేర్కొన్నారు. కేంద్ర విద్యాశాఖ మంత్రి ధర్మేంద్ర ప్రధాన్ ఈ విశ్వవిద్యాలయం తెలంగాణతో పాటు మహారాష్ట్ర, ఛత్తీస్గఢ్ సరిహద్దుల్లోని గిరిజనులకు విద్యా కేంద్రంగా నిలవబోతోందని తెలిపారు.
ఆసియా అతిపెద్ద గిరిజన పండుగ అయిన సమ్మక్క-సారక్క జాతర పేరుతో ఈ విశ్వవిద్యాలయం ఏర్పాటు కావడం ప్రత్యేక సార్ధకం. న్యూఢిల్లీ లో జరిగిన ప్రత్యేక కార్యక్రమంలో మంత్రులు ధర్మేంద్ర ప్రధాన్, జి. కిషన్ రెడ్డి విశ్వవిద్యాలయ లోగోను ఆవిష్కరించారు. కిషన్ రెడ్డి మాట్లాడుతూ, విశ్వవిద్యాలయం కోసం తెలంగాణ ప్రభుత్వం ఇప్పటికే భూమిని కేటాయించిందని, నిర్మాణ పనులను త్వరితగతిన ప్రారంభించాలని ప్రధాన మంత్రి నరేంద్ర మోదీ, విద్యాశాఖ మంత్రి ధర్మేంద్ర ప్రధాన్ను కోరినట్లు తెలిపారు.
రూ.800 కోట్ల కేటాయింపు – భవిష్యత్తు ప్రణాళికలు
మంత్రులు తెలిపారు, “విశ్వవిద్యాలయం ప్రధాని మోదీ దూరదృష్టి మరియు కిషన్ రెడ్డి ప్రయత్నాలతో ప్రారంభమైంది. ఇప్పటికే రూ.800 కోట్లకు పైగా నిధులు కేటాయించబడ్డాయి. ఇది తెలంగాణ, మహారాష్ట్ర, ఛత్తీస్గఢ్ సరిహద్దుల్లోని గిరిజనులకు ప్రధాన విద్యా కేంద్రంగా నిలుస్తుంది.”
స్థానిక సంస్కృతి, సంప్రదాయాలకు అనుగుణంగా కొత్త కోర్సులు అందించడం అవసరం ఉందని ఆయన చెప్పారు. ఆయుర్వేదం, గిరిజన ఆహార శైలి, భాషలు, సంప్రదాయాలను ప్రతిబింబించే కోర్సులు ఉండాలి. గిరిజన భాషల్లో బోధన, క్రీడా నైపుణ్యాల ప్రోత్సాహం, సృజనాత్మక పరిశోధనలకు ప్రాధాన్యం ఇవ్వాలని సూచించారు.
సృజనాత్మక లోగో – గిరిజన భాషలకు గుర్తింపు
విశ్వవిద్యాలయ లోగోలో పలు తెగల భాషల పదాలను వినియోగించడం ప్రత్యేక ఆకర్షణగా నిలిచింది. ప్రధాన్ ఈ సృజనాత్మక రూపకల్పనను ప్రశంసిస్తూ, ఇది గిరిజన సంస్కృతిని గుర్తించే అద్భుతమైన నిర్ణయం అని పేర్కొన్నారు.
