సత్యజిత్ రే పూర్వీకుల ఇంటి పరిరక్షణకు భారత ప్రభుత్వం ముందుకు వచ్చింది
బంగ్లాదేశ్లోని మైమెన్సింగ్ నగరంలో ఉన్న ప్రముఖ దర్శకుడు సత్యజిత్ రే పూర్వీకుల ఇంటిని కూల్చివేస్తున్నారనే వార్తలపై భారత ప్రభుత్వం విచారం వ్యక్తం చేసింది. ఈ ఇల్లు రే తాత ఉపేంద్ర కిశోర్ రే చౌధరి కి చెందినది. భారత విదేశాంగ శాఖ ప్రకటనలో, ఈ చారిత్రక భవనాన్ని పునరుద్ధరించేందుకు భారత్ సిద్ధంగా ఉందని వెల్లడించింది.
ఈ భవనం ప్రస్తుతం శిథిలావస్థలో ఉందని అధికారులు చెబుతున్నారు. భారత ప్రభుత్వం ఈ భవనాన్ని కూల్చకుండా, దాన్ని సాహిత్య మ్యూజియంగా మారుస్తే మంచిదని సూచించింది. ఇది భారత్ మరియు బంగ్లాదేశ్ల మధ్య సాంస్కృతిక బంధానికి గుర్తుగా నిలుస్తుందని పేర్కొంది.
స్థానిక వార్తల ప్రకారం, ఈ ఇంటిని శిశు అకాడమీ కోసం కూల్చివేస్తున్నారు. అయితే, ఈ నిర్ణయంపై స్థానికులు మరియు చరిత్రకారులు తీవ్ర అభ్యంతరం వ్యక్తం చేస్తున్నారు. వారు ఈ భవనం కూల్చివేయడం వల్ల నగర చరిత్రలో ఒక కీలక భాగం మాయమవుతుందని ఆవేదన వ్యక్తం చేశారు. పురావస్తు శాఖ అధికారులు కూడా ఈ భవనాన్ని రక్షించాల్సిన అవసరం ఉందని పేర్కొన్నారు.
