CUET UG 2025 పరీక్షలు రేపటి నుంచి ప్రారంభం – అడ్మిట్ కార్డులు విడుదల

హైదరాబాద్‌, మే 12:
దేశవ్యాప్తంగా ఉన్న సెంట్రల్ యూనివర్సిటీల్లో 2025-26 విద్యా సంవత్సరానికి యూజీ కోర్సుల్లో ప్రవేశాల కోసం సీయూఈటీ (CUET UG 2025) పరీక్షలు మే 13వ తేదీ నుంచి ప్రారంభం కానున్నాయి. ఈ పరీక్షలు జూన్ 3వ తేదీ వరకు ఆన్‌లైన్ విధానంలో కొనసాగుతాయి.

ఈ పరీక్షల సందర్భంగా, నేషనల్ టెస్టింగ్ ఏజెన్సీ (NTA) అభ్యర్థుల కోసం అడ్మిట్ కార్డులను అధికారిక వెబ్‌సైట్‌లో విడుదల చేసింది. అభ్యర్థులు తమ అప్లికేషన్ నంబర్, పాస్‌వర్డ్, క్యాప్చా ఎంటర్ చేసి https://exams.nta.ac.in/CUET-UG/ లింక్ ద్వారా డౌన్‌లోడ్ చేసుకోవచ్చు. అడ్మిట్ కార్డ్‌లో పరీక్ష తేదీ, సమయం, కేంద్రం వంటి వివరాలు ఉన్నాయి.

తెలంగాణ ఇంటర్ అడ్మిషన్ల గడువు మే 17 వరకు పొడిగింపు

మహాత్మా జ్యోతిబా ఫూలే బీసీ గురుకుల విద్యాసంస్థల సొసైటీ పరిధిలోని జూనియర్ కాలేజీల్లో 2025-26 విద్యా సంవత్సరానికి ఇంటర్ అడ్మిషన్ల గడువు మే 12తో ముగియాల్సి ఉంది. అయితే, తాజాగా ఈ గడువును మే 17 వరకు పొడిగిస్తూ ప్రకటన వెలువడింది.

గురుకుల సొసైటీ కార్యదర్శి సైదులు వెల్లడించిన ప్రకారం, ఈ అడ్మిషన్లు ఎలాంటి ప్రవేశ పరీక్ష లేకుండా, పదో తరగతి మార్కుల ఆధారంగా జరగనున్నాయి. విద్యార్థులు ఆన్‌లైన్‌లో దరఖాస్తు చేసుకోవచ్చు. రెగ్యులర్ గ్రూపులతో పాటు వృత్తి విద్యా కోర్సులు కూడా అందుబాటులో ఉన్నాయి. మరిన్ని వివరాలకు 040-23328266 నంబర్‌ను సంప్రదించవచ్చని తెలిపారు.

ఇతర ముఖ్యమైన విద్యా వార్తలు:

• తెలంగాణ ICET 2025 దరఖాస్తు గడువు మే 15 వరకు పొడిగింపు – ఆలస్య రుసుం లేకుండా అప్లై చేసుకోండి.

• మిస్ వరల్డ్ 2025 పోటీలు హైదరాబాద్‌లో అట్టహాసంగా ప్రారంభమయ్యాయి.

• భారత్ – పాకిస్తాన్ కాల్పుల విరమణ చర్చలు మే 12న జరగనున్నట్లు మిస్రీ ప్రకటించారు.