స్నేహం అనేది ఒక అందమైన రహదారి లాంటిది. రహదారి మీద మనము వెళ్ళే కొద్ది మనకు కొత్త కొత్త చెట్లు ఎలా కనిపిస్తాయో , అలాగే మన జీవితంలో కూడా మనము ముందుకు వెళ్ళే కొద్ది కొత్త కొత్త స్నేహితులు పరిచయం అవుతారు. మన స్నేహితుల్లో చిన్న నాటి స్నేహితులు, మరియు మనము చదువుకున్న కళాశాలో స్నేహితులు ఎక్కువుగా ఉంటారు. అన్ని బంధాలలో చాలా గట్టి బంధం ” స్నేహ బంధం ” . మనము ఒక్కసారి చేయి పట్టుకుంటే అంత సామాన్యంగా విడిచిపెట్టలేము. అది స్నేహానికి ఉన్న శక్తి. ఈ ప్రపంచంలో పుట్టిన ప్రతి యొక్క మనిషికి స్నేహితులు ఉంటారు. అసలు స్నేహితులు లేకుండా ఎవరు ఉండరు. కొంతమంది ఇంట్లో చెప్పుకోలేని బాధలు కూడా స్నేహితులు దగ్గర చెప్పుకుంటారు. అలా చెప్పుకుంటున్నారంటే మీరు మంచి స్నేహితులను పొందినట్లే .
మనము బాధ పడే కొద్ది బాధలే వస్తాయి. అలా కాకుండా మీరు మీ స్నేహితులతో పంచుకుంటే కొంచం ఐనా తగ్గుతాయి. బాధలు లేని మనుషులే ఉండరు. బాధలు అన్నాక మనుషులకే వస్తాయి. అంత మాత్రాన మీరు బాధ పడకండి . ఆ దేవుడు బాధలను పంచుకోమనే స్నేహితులను ఇచ్చాడు. నమ్మకంగా ఉన్న వారి దగ్గర ఏమైనా చెప్పుకోవచ్చు. అపనమ్మకం ఉన్న చోట ఏమి చెప్పినా మనల్ని పిచ్చి వాళ్ళను చేస్తారు.
మన ప్రేమ వారికి పిచ్చి లాగా కనిపిస్తుంది . వాళ్ళు మిమ్మల్ని పిచ్చి వాళ్ళలాగా చూసిన అసలు బాధ పడకండి . ఎదో ఒక రోజు మీ విలువ వాళ్లే తెలుసుకుంటారు. మనము తలచుకుంటే డబ్బు సంపాదించుకోవచ్చు. కానీ మంచి స్నేహితులను సంపాదించుకోలేము. మంచి మనసుతో మాత్రమే సంపాదించుకోగలము.
