తెలంగాణ టీచర్ ఎలిజిబిలిటీ టెస్ట్ (టెట్ 2025 జూన్) హాల్ టికెట్లు ఈ బుధవారం (జూన్ 11) విడుదల కానున్నాయి.
విద్యాశాఖ ఈ విడుదలకు సంబంధించిన అన్ని ఏర్పాట్లు పూర్తి చేసింది. టెట్ పరీక్షకు దరఖాస్తు చేసుకున్న అభ్యర్థులు హాల్ టికెట్లు విడుదలైన తర్వాత అధికారిక వెబ్‌సైట్ నుండి డౌన్‌లోడ్ చేసుకోవచ్చు.

టెట్ ఆన్‌లైన్ రాత పరీక్షలు ఈ నెల 18 నుండి 30 వరకు జరగనున్నాయి. ఈసారి తెలంగాణ రాష్ట్ర వ్యాప్తంగా మొత్తం 1.66 లక్షల మంది టెట్ కోసం దరఖాస్తు చేశారు.
రెండు పేపర్లకు కలిపి దాదాపు 1,83,653 దరఖాస్తులు వచ్చాయి. ఇందులో:

• పేపర్ 1కు 46 వేల మందికి దరఖాస్తు
• పేపర్ 2కు 1.03 లక్షల మందికి దరఖాస్తు
• రెండు పేపర్లకు కలిపి 16 వేల మందికి పైగా దరఖాస్తు

తెలంగాణ లా కామన్ ఎంట్రన్స్ టెస్ట్ (లాసెట్) 2025 ఫలితాలు జూన్ 25న విడుదల
తెలంగాణ రాష్ట్రంలో నిర్వహించిన లాసెట్ 2025 ఫలితాల తేదీని ఉన్నత విద్యా మండలి ప్రకటించింది.
ప్రాథమిక ఆన్సర్ కీ జూన్ 10న విడుదల కాగా, విద్యార్థులు అధికారిక వెబ్‌సైట్ నుండి ఆన్సర్ కీ మరియు రెస్పాన్స్ షీట్లు డౌన్‌లోడ్ చేసుకోవచ్చు.
లాసెట్ 2025 పరీక్ష జూన్ 6న జరిగింది, రాష్ట్ర వ్యాప్తంగా 45,609 మంది పరీక్ష రాశారు.

• 3 ఏళ్ల LLBకి 32,118 మంది
• 5 ఏళ్ల LLB & LLMకి 13,491 మంది

ఆంధ్రప్రదేశ్ ఎడ్యుకేషన్ కామన్ ఎంట్రన్స్ టెస్ట్ (ఏపీ ఎడ్‌సెట్) 2025 ప్రాథమిక కీ విడుదల
APSCHE జూన్ 10న ఏపీ ఎడ్‌సెట్ 2025 ప్రాథమిక ఆన్సర్ కీ, రెస్పాన్స్ షీట్లు మరియు మాస్టర్ ప్రశ్నపత్రాన్ని విడుదల చేసింది.
అభ్యర్థులు జూన్ 13వ తేదీ వరకు ఆన్‌లైన్‌లో అభ్యంతరాలు నమోదు చేయవచ్చు.
ఫలితాలు జూన్ 21న విడుదల కానున్నాయి.
ఈ పరీక్ష జూన్ 5న నిర్వహించబడింది. దీనిద్వారా 2025-26 విద్యా సంవత్సరానికి B.Ed మరియు B.Ed (Special) కోర్సులకు ప్రవేశాలు లభిస్తాయి.