TS ECET 2025 ఫలితాలు విడుదల – టాపర్స్ లిస్ట్, రిజల్ట్ డైరెక్ట్ లింక్ ఇక్కడ
హైదరాబాద్‌, మే 25:
తెలంగాణ రాష్ట్ర వ్యాప్తంగా మే 12న నిర్వహించిన TS ECET 2025 (Telangana State Engineering Common Entrance Test) ఫలితాలు మే 25 (ఆదివారం) మధ్యాహ్నం 1 గంటకు విడుదలయ్యాయి. ఈ పరీక్ష ద్వారా బీఈ, బీటెక్‌, బీఫార్మసీ కోర్సులలో లేటరల్ ఎంట్రీ విధానంలో నేరుగా రెండో సంవత్సరంకి ప్రవేశాలు కల్పించనున్నారు.
ఈ సంవత్సరం మొత్తం 18,998 మంది విద్యార్థులు ఈసెట్ పరీక్షను రాశారు. పరీక్ష రాసిన విద్యార్థులు తమ ఫలితాలను దిగువ ఇచ్చిన డైరెక్ట్ లింక్ ద్వారా చూసుకోవచ్చు మరియు ర్యాంక్ కార్డ్ డౌన్‌లోడ్ చేసుకోవచ్చు.
ఈ ఫలితాలను ఉస్మానియా యూనివర్సిటీ ప్రాంగణంలో ఉన్నత విద్యామండలి చైర్మన్ ప్రొఫెసర్ బాలకిష్టారెడ్డి అధికారికంగా విడుదల చేశారు.
ఈ సంవత్సరం మొత్తం 93.87% విద్యార్థులు ఉత్తీర్ణత సాధించారు. ముఖ్యంగా మెటలర్జికల్ ఇంజినీరింగ్, బీఎస్సీ మ్యాథ్స్, ఫార్మసీ విభాగాల్లో 100% ఉత్తీర్ణత నమోదైంది. అన్ని విభాగాల్లో కూడా అమ్మాయిలే ఎక్కువగా ఉత్తీర్ణత సాధించారని ప్రొఫెసర్ బాలకిష్టారెడ్డి వెల్లడించారు.
