టాలీవుడ్ యువ హీరో అక్కినేని నాగ చైతన్య నటించిన తాజా చిత్రం "తండేల్". చందూ మొండేటి దర్శకత్వంలో తెరకెక్కించిన ఈ ఎమోషనల్ లవ్ స్టోరీలో సాయి పల్లవి కథానాయికగా నటించింది. ఫిబ్రవరి 7న విడుదలైన ఈ సినిమా భారీ వసూళ్లను సాధించి 100 కోట్ల మార్క్ను క్రాస్ చేసింది.
"తండేల్" సినిమా, లవ్ స్టోరీ తర్వాత సాయి పల్లవితో కలిసి నటించిన రెండో చిత్రం. గీతా ఆర్ట్స్ బ్యానర్ పై బన్నీ వాసు, అల్లు అరవింద్ సంయుక్తంగా నిర్మించారు. ఈ సినిమా విడుదలైన వెంటనే సూపర్ హిట్ గా నిలిచింది. సినిమా HD వెర్షన్లు లీకయినా, వసూళ్లు పెరుగుతూ కొనసాగాయి. ఇప్పటివరకు 100 కోట్లకు పైగా వసూళ్లు సాధించి నాగ చైతన్య కెరీర్లో అత్యుత్తమ చిత్రంగా నిలిచింది.
ఈ చిత్రం థియేటర్లలో హౌస్ ఫుల్ కలెక్షన్లతో ప్రదర్శించబడుతుండగా, తాజాగా "తండేల్" ఓటీటీ రిలీజ్పై ఆసక్తికరమైన వార్తలు వెలువడ్డాయి. ఈ సినిమా డిజిటల్ స్ట్రీమింగ్ హక్కులను ప్రముఖ ఓటీటీ ప్లాట్ఫామ్ నెట్ఫ్లిక్స్ సొంతం చేసుకుంది. థియేటర్లలో విడుదలైన నెల రోజుల తర్వాత ఈ సినిమా ఓటీటీలో స్ట్రీమ్ చేయబోతుందని సమాచారం.
అయితే, "తండేల్" సినిమా ఓటీటీలో మార్చి 6 లేదా 7న విడుదల కానుందని భావిస్తున్నారు. ఈ విషయంపై అధికారిక ప్రకటన ఇంకా రాలేదు. అయితే, సినిమా థియేటర్లలో మంచి వసూళ్లు సాధించడం వల్ల, ఓటీటీలో ఆలస్యంగా వస్తుందని కూడా చెప్పుకుంటున్నారు. దీనిపై త్వరలో క్లారిటీ వచ్చే అవకాశం ఉంది.
