నాగబాబు ఎమ్మెల్సీగా ప్రమాణం

జనసేన నేత కొణిదెల నాగబాబు ఆంధ్రప్రదేశ్ ఎమ్మెల్యే కోటా ఎమ్మెల్సీగా ప్రమాణ స్వీకారం చేశారు. 2025 మార్చి ఎన్నికల్లో జనసేన-బీజేపీ కూటమి తరఫున ఏకగ్రీవంగా ఎన్నికైన ఆయన బుధవారం శాసనమండలి ఛైర్మన్ మోషేన్ రాజు సమక్షంలో ప్రమాణం చేశారు. అనంతరం ఆంధ్రప్రదేశ్ సీఎం నారా చంద్రబాబు నాయుడును సచివాలయంలో మర్యాదపూర్వకంగా కలిశారు.

నాగబాబు ఆస్తుల వివరాలు

ఎన్నికల సమయంలో ఎన్నికల సంఘానికి సమర్పించిన అఫిడవిట్ ప్రకారం, నాగబాబు ₹59 కోట్ల ఆస్తులకు అధిపతిగా ఉన్నారు. మ్యూచువల్ ఫండ్స్, బాండ్లు రూ.55.37 కోట్లు, చేతిలో నగదు రూ.21.81 లక్షలు, బ్యాంకు నిల్వలు రూ.23.53 లక్షలు ఉన్నాయి. హైదరాబాద్, మెదక్, రంగారెడ్డి జిల్లాల్లో ఉన్న స్థిరాస్తుల విలువ ₹11.20 కోట్లు.

చిరంజీవి & పవన్ కల్యాణ్ నుంచి అప్పులు

ఆసక్తికరంగా, అన్న చిరంజీవి వద్ద నుంచి రూ.28.48 లక్షలు, తమ్ముడు పవన్ కల్యాణ్ వద్ద నుంచి రూ.6.90 లక్షలు అప్పు తీసుకున్నట్లు నాగబాబు ప్రకటించారు. అలాగే ₹56.97 లక్షల హౌసింగ్ లోన్ మరియు ₹7.54 లక్షల కారు రుణం ఉన్నట్లు వెల్లడించారు.