తిరుపతి-సాయినగర్ షిర్డీ ఎక్స్ప్రెస్ను ముఖ్యమంత్రి నారా చంద్రబాబు నాయుడు ప్రతిపాదన మేరకు రెగ్యులర్ ట్రైన్గా మార్చినట్లు కేంద్ర రైల్వే మంత్రి అశ్వినీ వైష్ణవ్ తెలిపారు. ప్రఖ్యాత పుణ్యక్షేత్రాలైన తిరుపతి-షిర్డీ మధ్య తాత్కాలికంగా నడుస్తున్న ప్రత్యేక ఎక్స్ప్రెస్ (రైలు నం. 07637/07638)కు ఇప్పుడు శాశ్వత హోదా కల్పించబడింది.
ఈ నిర్ణయం, ముఖ్యమంత్రి చంద్రబాబు జూన్ 2న పంపిన లేఖను పరిగణనలోకి తీసుకుని తీసుకోబడిందని మంత్రి వైష్ణవ్ వెల్లడించారు. ముఖ్యమంత్రి కృతజ్ఞతలు తెలుపుతూ, రైలును ఇప్పుడు రెగ్యులర్గా నడిపేందుకు నిర్ణయం తీసుకున్నట్లు చెప్పారు.
ఈ రైలు రేణిగుంట, ధర్మవరం, రాయచూరు, షోలాపూర్, దౌండ్ స్టేషన్ల ద్వారా తిరుపతి నుంచి షిర్డీ వరకు ప్రయాణిస్తుంది. వారానికి ఒకటి లేదా రెండు సార్లు రైలు నడిపేందుకు ప్రతిపాదనలు సిద్ధమవుతున్నాయి. రైల్వే శాఖ ప్రకారం, భక్తులు ఈ రైలులో నమ్మకమైన, అందుబాటు ధరల్లో ప్రయాణ సౌకర్యాన్ని పొందగలరని తెలిపింది.
