హరిహర వీరమల్లు ప్రీ రిలీజ్ ఈవెంట్లో బ్రహ్మానందం వినోదం, భావోద్వేగం
ప్రముఖ హాస్య నటుడు బ్రహ్మానందం తన ప్రత్యేక శైలితో హరిహర వీరమల్లు ప్రీ రిలీజ్ ఈవెంట్లో నవ్వులు పూయించారు. యాంకర్ సుమ మైక్ ఇచ్చిన క్షణం నుంచే ఆయన ప్రసంగం హాస్యంతో నిండిపోయింది. పవన్ కళ్యాణ్తో తన అనుబంధాన్ని గుర్తుచేస్తూ, ఆయనపై అభిమానంతో కూడిన ప్రశంసలు కురిపించారు.
"పవన్ కళ్యాణ్ మానవత్వం పరిమళించే మంచి మనిషి. సమాజానికి ఉపయోగపడే పనులు చేయాలని ఎప్పుడూ తపనపడతారు," అని అన్నారు. పవన్ ఎప్పుడూ తన మార్గంలో నడిచారని, ఎన్ని సమస్యలు వచ్చినా వెనుకడుగు వేయలేదన్నారు. ఆయన్ను తాను చెక్కుకున్న శిల్పంలా అభివర్ణించారు.
సుమ రెండు నిమిషాలే సమయం ఇస్తే, తాను ఐదు నిమిషాలు మాట్లాడతానని హాస్యంగా చెప్పారు. ఈ ప్రసంగమంతా పవన్ కళ్యాణ్ సహా సభికులు కడుపుబ్బ నవ్వారు. సినిమా డ్రెస్ గురించి మాట్లాడుతూ, "మీ ఒడిలో తలపెట్టి వెక్కివెక్కి ఏడవాలని ఉంది" అనడంతో పవన్ తట్టుకోలేక జోరుగా నవ్వారు. చివర్లో, "లేచిన కెరటం గొప్పది కాదు, పడి లేచిన కెరటం గొప్పది" అంటూ పవన్ ధైర్యాన్ని కొనియాడారు.
