ఏపీలో పోలీసు కానిస్టేబుల్ నియామకాలకు సంబంధించిన తుది ఫలితాలు విడుదలయ్యాయి. ఈ ఫలితాలను రాష్ట్ర హోం మంత్రి అనిత గారు మరియు ఏపీ డీజీపీ హ‌రీశ్ కుమార్ గుప్తా గారు ఈరోజు ఉదయం మంగళగిరిలోని డీజీపీ కార్యాలయంలో అధికారికంగా విడుదల చేశారు. ఫలితాలు ఏపీ పోలీస్ రిక్రూట్‌మెంట్ బోర్డు అధికారిక వెబ్‌సైట్ https://slprb.ap.gov.inలో అందుబాటులో ఉన్నాయి.

ఈ రిక్రూట్‌మెంట్‌లో భాగంగా మొత్తం 6,100 కానిస్టేబుల్ పోస్టులు భర్తీ చేయనున్నారు. ఈ ఫలితాల్లో గండి నానాజీ గారు 168 మార్కులతో మొదటి స్థానంలో, జి. రమ్య మాధురి గారు 159 మార్కులతో రెండో స్థానంలో, మరియు మెరుగు అచ్యుతారావు గారు 144.5 మార్కులతో మూడో స్థానంలో నిలిచారు.

ఎంపిక ప్రక్రియలో పాల్గొన్న అభ్యర్థులు తమ తుది ఫలితాలను అధికారిక వెబ్‌సైట్‌లో చెక్ చేసుకోవచ్చు. మెరిట్ లిస్ట్, కట్-ఆఫ్ మార్కులు కూడా విడుదలయ్యాయి. ఎంపికైన అభ్యర్థులకు త్వరలో నియామకానికి సంబంధించిన తదుపరి సమాచారం అందించనున్నారు.