నాని బ్లాక్ బస్టర్ మూవీ ‘కోర్ట్’ థియేటర్లలో దుమ్మురేపింది – ఓటీటీ రిలీజ్ డేట్ ఫిక్స్!
నేచురల్ స్టార్ నాని నిర్మాతగా వ్యవహరించిన తాజా చిత్రం ‘కోర్ట్’, ఒక ప్రేమకథతో పాటు కోర్టు డ్రామాగా తెరకెక్కింది. ఈ సినిమాలో ప్రియదర్శి, శ్రీదేవి, హర్ష్ రోషన్, శివాజీ తదితరులు ముఖ్య పాత్రలు పోషించారు. మార్చి 14న థియేటర్లలో విడుదలైన ఈ సినిమా బ్లాక్ బస్టర్ హిట్ గా నిలిచింది.
చిన్న బడ్జెట్ తో వచ్చిన ‘కోర్ట్’ సినిమా సంచలన విజయం సాధించింది. నాని స్వయంగా నిర్మించడం, మొదటి నుంచే సినిమాకు పాజిటివ్ బజ్ తీసుకురావడంతో పాటు, అతని “కోర్ట్ నచ్చకపోతే, నా హిట్ 3 సినిమాలను చూడకండి” అన్న మాటలు మరింత క్రేజ్ తెచ్చాయి. సినిమాకు వచ్చిన అంచనాలకు తగ్గట్టుగానే, విడుదలైన తొలి షో నుంచే సూపర్ హిట్ టాక్ తెచ్చుకుంది.
కేవలం రూ.10 కోట్ల బడ్జెట్ లో నిర్మించబడిన ఈ మూవీ ఇప్పటివరకు రూ. 56 కోట్ల కలెక్షన్లు సాధించి, ఐదింతల లాభం తెచ్చుకుంది. ఇప్పటికీ థియేటర్లలో హౌస్ఫుల్ షోలు కొనసాగుతున్నాయి.
దర్శకుడు రామ్ జగదీశ్, ఈ సినిమాను ఎమోషనల్ లవ్ స్టోరీ, పోక్సో కేసు, కోర్టు డ్రామా వంటి అంశాలతో ఆసక్తికరంగా మలిచారు. ముఖ్యంగా శివాజీ మంగపతి పాత్రలో చేసిన అభినయం విమర్శకుల ప్రశంసలు అందుకుంది.
ఓటీటీ రిలీజ్ డేట్ & స్ట్రీమింగ్ వివరాలు
ఇప్పుడు ‘కోర్ట్’ సినిమాకు సంబంధించిన ఓటీటీ అప్డేట్ వినిపిస్తోంది. ఈ మూవీ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ Netflix కొనుగోలు చేసినట్లు సమాచారం. ఏప్రిల్ 11 నుంచి ఈ సినిమా ఓటీటీలో స్ట్రీమింగ్ కు సిద్ధమవుతోంది. దీనిపై అధికారిక ప్రకటన త్వరలో రానుంది.
