10 గ్రాముల స్వచ్ఛమైన బంగారంపై రూ. 1,050 పెరుగుదల
మళ్లీ 99 వేల మార్కు దాటేసిన పసిడి
రికార్డు స్థాయికి చేరుకున్న వెండి ధర

అక్షయ తృతీయ వేళ బంగారం ధరలు భారీగా పెరిగాయి. దేశ రాజధాని ఢిల్లీలో నిన్న 10 గ్రాముల స్వచ్ఛమైన బంగారం ధరపై రూ. 1,050 పెరిగి రూ. 99,450కి చేరుకుంది. 99.9% స్వచ్ఛత కలిగిన బంగారం ధర సోమవారం రూ. 1,000 తగ్గి ₹98,400కి పడిపోయింది. అయితే, అక్షయ తృతీయకు ఒక్క రోజు ముందు ఆ ధర మళ్లీ పూర్వ స్థితికి చేరుకుంది. 99.5% స్వచ్ఛత కలిగిన బంగారంపై ₹1,100 పెరిగి 10 గ్రాముల ధర ₹99,000కు చేరుకుంది. ముగింపు సమయానికి ఈ ధర ₹97,900గా ఉండింది.

గతేడాది డిసెంబర్‌లో 10 గ్రాముల బంగారం ధర ₹78,950గా ఉండేది. ఈ ఏడాది ఇప్పటి వరకు ₹20,500 (26%) పెరిగింది. మరోవైపు, వెండి ధర కూడా భారీగా పెరిగింది. మంగళవారం కిలోకు ₹3,500 పెరిగి రికార్డు స్థాయిలో ₹1,02,000కు చేరుకుంది. అంతకుముందు సెషన్‌లో ఈ ధర ₹98,500 వద్ద ముగిసింది. మార్చి 19న వెండి ధర కిలోకు ₹1,000 పెరిగి ఆల్‌టైమ్ హై అయిన ₹1,03,500కు చేరుకుని రికార్డు సృష్టించింది. అక్షయ తృతీయకు ముందు పసిడి ధరలు పెరగడం సాధారణం అని మార్కెట్ నిపుణులు చెబుతున్నారు.