యంగ్ హీరో తేజ సజ్జ, విలక్షణ నటుడు మంచు మనోజ్ నటిస్తున్న ‘మిరాయ్’ సినిమా దర్శకత్వం కార్తీక్ ఘట్టమనేని చేస్తున్నారు. తాజాగా ఈ చిత్ర ట్రైలర్ కట్‌ను టాలీవుడ్ స్టార్ రానా దగ్గుబాటి చూసి సోషల్ మీడియాలో తన ప్రశంసలతో స్పందించారు. ఈ మాటలతో సినిమాపై అంచనాలు మరింత పెరిగాయి.
రానా మాట్లాడుతూ, "తేజ సజ్జ, మంచు మనోజ్‌ల ‘మిరాయ్’ ట్రైలర్ కట్ చూసాను. ఇది చాలా కాలంలో చూసిన అత్యంత ఆకట్టుకునే ట్రైలర్." అని అన్నారు. ట్రైలర్‌లోని అంశాలు, చిత్రీకరణ ఎంతో నచ్చినట్లు తెలిపారు.
దర్శకుడు కార్తీక్ ఘట్టమనేని ప్రతిభను రానా ప్రత్యేకంగా ప్రశంసించారు, “దర్శకుడు కార్తీక్ అద్భుతంగా చేశారు!” అని అన్నారు. ఆయన దర్శకత్వ ప్రతిభ ట్రైలర్‌లో స్పష్టంగా కనిపిస్తోందని, సినిమాపై ఆసక్తి రెట్టింపు అయ్యిందని తెలిపారు. "సినిమా త్వరలోనే చూడాలని ఉత్సాహంగా ఎదురుచూస్తున్నాను!" అని రానా అన్నారు.
