బంగాళాఖాత పశ్చిమ భాగంలో ఏర్పడిన అల్పపీడన ప్రభావంతో తెలంగాణలో వాతావరణం అకస్మాత్తుగా చల్లబడింది. మంగళవారం రాష్ట్రంలోని పలు జిల్లాల్లో వర్షం కురిసింది. హైదరాబాద్‌లో సాయంత్రం నుంచే వాతావరణం పూర్తిగా మారిపోయింది.
నగరంలోని పలు ప్రాంతాల్లో మోస్తరు వర్షం నమోదైంది. ముఖ్యంగా సికింద్రాబాద్, అల్వాల్, లింగంపల్లి, కూకట్‌పల్లి, జూబ్లీహిల్స్, సూరారం, బోరబండ వంటి ప్రాంతాల్లో సాయంత్రం వర్షం కురిసింది.
ఈ అనూహ్యమైన వర్షం రహదారులపై నీరు నిలిచే పరిస్థితిని కలిగించింది. దీంతో ప్రయాణికులు ఇబ్బందులకు గురయ్యారు. కొన్ని ప్రాంతాల్లో వర్షపు నీటి నిలిచిన కారణంగా ట్రాఫిక్ కొంత వరకు అంతరాయం ఏర్పడింది.
