నాగచైతన్య, శోభిత తల్లిదండ్రులు కాబోతున్నారంటూ వార్తలు: అక్కినేని కుటుంబం నుండి అధికారిక స్పందన లేదు
సినీ హీరో నాగచైతన్య మరియు నటి శోభిత ధూళిపాళ గురించి ప్రస్తుతం సోషల్ మీడియాలో ఓ ఆసక్తికరమైన వార్త పుట్టుకుంటోంది. ఈ జంట త్వరలో తల్లిదండ్రులు కాబోతున్నారని ప్రచారం జరుగుతోంది. అక్కినేని కుటుంబం నుంచి త్వరలోనే దీనిపై అధికారిక ప్రకటన వచ్చే అవకాశముందని చెప్పుకుంటున్నారు.
కొంతకాలం క్రితం నాగచైతన్య మరియు సమంత విడాకులు తీసుకున్న విషయం తెలిసిందే. ఆ తర్వాత చైతన్య, శోభిత ధూళిపాళ మధ్య ప్రేమ వ్యవహారం మొదలైంది. అనంతరం సన్నిహితుల సమక్షంలో అన్నపూర్ణ స్టూడియోస్లో వీరి వివాహం సాదాసీదా జరగడం తెలిసిందే. వివాహం తరువాత శోభిత సినిమాల నుండి కొంత దూరంగా ఉండి, సోషల్ మీడియాలో మాత్రం చురుకుగా ఉంటూ అభిమానులతో సన్నిహితంగా టచ్‌లో ఉన్నారు. ఇదే సమయంలో, నాగచైతన్య తన పెళ్లి తరువాత విడుదలైన “తండేల్” చిత్రంతో మంచి విజయాన్ని సాధించారు. ప్రస్తుతం ఆయన కార్తీక్ దండు దర్శకత్వంలో ఓ పౌరాణిక నేపథ్యంతో కూడిన థ్రిల్లర్ చిత్రంలో నటించడానికి సిద్ధంగా ఉన్నారు.
ఇక, ఈ మధ్యకాలంలో చైతన్య మరియు శోభిత జంట తమ మొదటి సంతానం కోసం ఎదురుచూస్తున్నారని, త్వరలోనే శోభిత గర్భవతి అని అధికారికంగా ప్రకటించవచ్చని సోషల్ మీడియాలో చర్చలు జరుగుతున్నాయి. అయితే, ఈ వార్తపై అక్కినేని కుటుంబం లేదా శోభిత నుంచి ఇప్పటివరకు అధికారిక స్పందన రాలేదు. అందువల్ల, ఈ వార్త ప్రస్తుతం ఊహాగానంగానే ఉంది. ఈ విషయంపై అధికారిక ప్రకటన వచ్చిన తర్వాతనే అసలు విషయం తేలిపోతుంది.
